Nisyə Al Şərtləri

1. Kredit üzrə Ümumi Tələblər və Şərtlər

1.1. Müraciət Hüququ: 18 yaşını tamamlamış hər bir Azərbaycan Respublikasının vətəndaşı texnohome.az saytından kreditlə məhsul əldə etmək üçün müraciət edə bilər.

1.2. Kredit Limiti: Qiyməti 50 AZN və yuxarı olan istənilən kateqoriyadan olan məhsulu kredit şərtləri ilə əldə etmək mümkündür. 50 AZN-dən aşağı olan alış-verişlər kredit şərtlərinə şamil edilmir.

1.3. Qiymətləndirmə və Müddət: Kredit rəsmiləşdirilməsi mağazamızın əməkdaşlıq etdiyi Partnyor Kredit Təşkilatları vasitəsilə həyata keçirilir. Seçilən kredit müddətindən (ayların sayından) asılı olaraq məhsulların daxili kredit qiymətləri saytımızda qeyd olunduğu şəkildə dəyişir.

1.4. Tələb Olunan Sənədlər və Məlumatlar: Kredit rəsmiləşdirilməsi üçün əsas sənəd şəxsiyyət vəsiqəsidir (və ya yeni nəsil şəxsiyyət vəsiqəsi). Partnyor kredit təşkilatlarının daxili anderraytinq (müraciətin təhlili və risklərin qiymətləndirilməsi) qaydalarına uyğun olaraq, təhlil prosesi zamanı müştəridən əlaqədar şəxslərin əlaqə nömrələri kimi zəruri məlumatlar tələb edilə bilər.

2. Onlayn Kredit Müraciəti və Sorğunun Yaradılması Mərhələləri

Mağazaya gəlmədən, tamamilə onlayn və sürətli şəkildə kredit sorğusu yaratmaq üçün aşağıdakı sadə addımlar tətbiq olunur:

• Mərhələ 1 (Onlayn Müraciət): Müştəri internet saytımızda bəyəndiyi məhsulu seçir, "Nisyə al" düyməsini sıxır və ilkin anket formasını dolduraraq müraciətini göndərir.

• Mərhələ 2 (Sorğunun Yaradılması): Müraciət daxil olduqdan sonra qısa müddət ərzində Texnohome-un məsul əməkdaşı müştəri ilə telefon vasitəsilə əlaqə saxlayır. Müştərin istəyinə uyğun ödəniş planı dəqiqləşdirilir və partnyor kredit təşkilatlarına yönləndirilmək üçün rəsmi kredit sorğusu formalaşdırılır.

• Mərhələ 3 (Baxılma və Cavab): Yaradılmış kredit sorğusuna partnyor təşkilatlar tərəfindən operativ şəkildə baxılır. Müraciətin rəsmiləşdirilməsi və cavablandırılması eyni gün içərisində tamamlanır.

• Mərhələ 4 (İmzalama və Təhvil): Kredit müraciəti partnyor təşkilat tərəfindən təsdiqləndiyi təqdirdə, rəsmi sənədləşmə fiziki şəkildə (kuryer çatdırılması zamanı ünvanda) və ya onlayn (rəqəmsal imza) şəkildə imzalanır. Sənədlər rəsmiləşdikdən sonra məhsul ALICIya təhvil verilir.

3. Aylıq Kredit Ödənişləri

3.1. Kredit rəsmiləşdirildikdən sonra müştəriyə aylıq ödəniş tarixlərini və məbləğlərini əks etdirən ödəniş cədvəli (və ya müqavilə nömrəsi) təqdim olunur.

3.2. Müştərilər aylıq kredit ödənişlərini mağazaya gəlmədən, müqavilə bağlanan partnyor təşkilatın təqdim etdiyi ödəniş kanalları, terminallar (MilliÖn, E-Manat) və ya mobil tətbiqlər vasitəsilə rahatlıqla icra edə bilərlər.