Geri Qaytarma və Dəyişdirilmə Siyasəti
Texnohome platformasında həyata keçirilən bütün geri qaytarma və dəyişdirilmə prosesləri Azərbaycan Respublikasının "İstehlakçıların hüquqlarının qorunması haqqında" Qanununun tələblərinə uyğun olaraq tənzimlənir.
1. Sifarişin Ləğvi və İmtana
1.1. Çatdırılmadan Əvvəl: Müştəri sifariş etdiyi məhsul(lar) ünvana yola düşmədən öncə istənilən vaxt sifarişi tam və ya qismən ləğv etmək hüququna malikdir.
1.2. Təhvil Zamanı İmtina: Məhsul kuryer tərəfindən ünvanda təqdim edilərkən, təhvil-təslim sənədləri imzalanmazdan əvvəl aparılan baxış zamanı məhsulun zədəli olduğu, səhv və ya əskik gəldiyi aşkar edilərsə, müştəri məhsuldan dərhal imtina edə bilər. Bu halda geri qaytarma xərcləri Şirkət tərəfindən qarşılanır.
2. Zavod Qüsuru Olan (Qüsurlu) Məhsulların Geri Qaytarılması
2.1. Məhsulda istehsalat (zavod) qüsuru aşkar olunarsa, müştəri zəmanət müddəti ərzində onu (servisin zavod qüsuru təsdiqi aktı ilə) geri qaytara və ya dəyişdirə bilər.
2.2. Servis Aktı Şərti: Qüsurun təsdiqlənməsi üçün məhsul rəsmi servis mərkəzinin araşdırmasına müştəri tərəfindən aparılır. Servis mərkəzi tərəfindən rəsmi zavod qüsuru aktı təsdiq edildikdən sonra məhsul yenisi ilə dəyişdirilir və ya ödənişiə geri qaytarılır.
3. Keyfiyyətli Məhsulların Şəxsi İstəklə Geri Qaytarılması (14 Gün Ərzində)
Müştəri heç bir qüsuru olmayan, bəyənmədiyi və ya fərqli səbəbdən imtina etmək istədiyi məhsulu alındığı gün sayılmamaqla 14 təqvim günü ərzində dəyişdirə və ya geri qaytara bilər. Bunun üçün aşağıdakı şərtlər mütləqdir:
Məhsul tamamilə istifadə olunmamış və istismara verilməmiş olmalıdır.
Məhsulun ilkin əmtəə görünüşü, istehlak xüsusiyyətləri, orijinal qablaşdırması, plombu, etiketləri və istehsalçı nişanları zədələnmədən qorunub saxlanılmalıdır.
Məhsulun komplektasiyası (aksesuarlar, təlimat kitabçası, qutu daxili materiallar və s.) tam olmalıdır.
Elektronika məhsullarında proqram quraşdırılmamalı və cihaz aktivləşdirilməməlidir.
Satış çeki, qaimə və ya ödənişi təsdiq edən digər rəsmi sənəd təqdim edilməlidir.
İstisna: Qablaşdırması açılmış fərdi gigiyena məhsulları, qulaqlıqlar (audio-aksessuarlar) və birdəfəlik proqram təminatı olan cihazlar geri qaytarılmır.
4. Prosedur və Pulun Geri Qaytarılması
4.1. Müraciət Forması: Məhsulların dəyişdirilməsi və ya geri qaytarılması xidməti kuryerlərin öhdəliyinə daxil deyil. Müştəri şəxsiyyətini təsdiq edən sənədlə birlikdə rəsmi Texnohome mağazasına və ya müştəri xidmətlərinə şəxsən müraciət etməlidir.
4.2. Çatdırılma Xərcləri: Məhsulun qaytarılması müştərinin fərdi qərarı ilə (heç bir qüsur olmadan) həyata keçirilirsə, çatdırılma xərcləri geri qaytarılan məbləğdən tutula və ya müştəri tərəfindən qarşılana bilər.
4.3. Ödəniş Üsulu: Pulun geri qaytarılması müştərinin alış zamanı istifadə etdiyi eyni ödəniş üsulu ilə (nağd və ya nağdsız) həyata keçirilir. Əgər məhsulu bir şəxs alıb, digər şəxs ödəyibsə, vəsait birbaşa ödənişi edən şəxsə qaytarılır.
4.4. Bank Müddəti: Nağdsız (kartla) edilən ödənişlərdə Texnohome tərəfindən dərhal sorğu göndərilsə də, vəsaitin müştərinin kartına oturma müddəti bankların daxili prosedurlarından asılı olaraq 1-14 iş günü ərzində dəyişə bilər.