Zəmanət Şərtləri

Texnohome mağazalarından əldə olunan bütün məhsullara rəsmi zəmanət təqdim olunur. Biz müştərilərimizə iki növ zəmanət xidməti təklif edirik: Standart İstehsalçı Zəmanəti və əlavə üstünlüklərə malik ödənişli Qızıl Zəmanət.

1. Standart İstehsalçı Zəmanəti

1.1. Standart zəmanət müddəti hər bir məhsulun kartında və zəmanət talonunda xüsusi olaraq qeyd edilir.

1.2. Bu zəmanət yalnız istehsalat (zavod/fabrik) qüsurlarını əhatə edir.

1.3. Zəmanət müddəti ərzində zavod qüsuru iddia edilən məhsul diaqnostika üçün müştəri tərəfindən rəsmi servis mərkəzinə təqdim olunmalıdır. Diaqnostika və təmir qanunvericiliyə uyğun olaraq həyata keçirilir.

1.4. Zəmanətin qüvvədən düşdüyü hallar:

• İstifadə və ya saxlanma qaydalarının pozulması,

• Məhsulun daxilinə maye keçməsi, mexaniki zədələnmələr (əzilmə, qırılma, düşmə),

• Səlahiyyətsiz (kənar) şəxslər tərəfindən məhsulun açılması və ya təmirə cəhd edilməsi.

2. Ödənişli "Qızıl Zəmanət" və Üstünlükləri

Məhsulunuzu hər növ risklərdən qorumaq üçün alış zamanı Qızıl Zəmanət Sertifikatı əldə edə bilərsiniz. Bu sertifikat məhsulun yalnız zavod qüsurlarına deyil, həm də istifadə zamanı yarana biləcək fərqli nasazlıqlara təminat verir.

Qızıl Zəmanətin Əhatə Etdiyi Hallar:

• Mexaniki zədələnmələr: İstifadə nəticəsində yaranan təsadüfi zədələnmələr,

• İstismar şərtlərinin pozulması nəticəsində yaranan nasazlıqlar,

• Proqram təminatından düzgün istifadə etməmə (virus infeksiyaları),

• Elektrik cərəyanından (gərginlik dəyişmələrindən) yaranan zədələnmələr və s.

Əsas Şərtlər və Qaydalar:

• Müddət: Qızıl Zəmanət Sertifikatının qüvvədə olma müddəti 1 ildir.

• Hissə Təmiri və Əvəzlənməsi: Sertifikat şərtlərinə aid olan hissə yalnız 1 (bir) dəfə ödənişsiz təmir olunur. Təmir mümkün olmadıqda, həmin qüsurlu hissə 1 (bir) dəfə yenisi ilə əvəz edilir. Təmir edilmiş və ya dəyişdirilmiş ehtiyat hissəsinə əlavə 30 təqvim günü istehsal zəmanəti verilir.

• İstisnalar: Məhsulların korpusu və aksessuarları (qutu daxili materiallar) bura daxil deyil.

• Diaqnostika və Təmir Müddəti: Məhsul servis mərkəzinə təhvil verildikdə 14 iş günü ərzində diaqnostika olunur. Əgər təmir üçün xüsusi sifarişlə ehtiyat hissəsi gətiriləcəksə, təmir müddəti 90 iş gününədək uzana bilər. Məhsulun təmirə yararlı olub-olmaması qərarı yalnız Texnohome servis mərkəzi tərəfindən verilir.

• Qızıl Zəmanət ödənişi yalnız 14 gün ərzində məhsul tam satışa yararlı vəziyyətdə (qablaşdırması və əmtəə nişanı pozulmadan) geri qaytarıldıqda müştəriyə qaytarıla bilər.

Təmirə Yararsız Məhsullar Üçün Kompensasiya Şərtləri: Sertifikat qüvvədə olduğu müddətdə məhsul tamamilə təmirə yararsız (istifadəyə qeyri-mümkün) olarsa, aşağıdakı cədvələ uyğun olaraq müştəriyə kompensasiya ödənilir. (Əgər məhsul daha öncə Qızıl Zəmanətlə təmir edilibsə və ya yeni hissə qoyulubsa, həmin təmir məbləği kompensasiyadan çıxılır):

• 1 ayadək: 100% kompensasiya

• 2-3 ay: 70% kompensasiya

• 4-6 ay: 60% kompensasiya

• 7-9 ay: 50% kompensasiya

• 10-12 ay: 30% kompensasiya

Qızıl Zəmanəti İtirməmək Üçün Diqqət Yetirilməli Məqamlar: Məhsula istehlakçı və ya üçüncü şəxslər tərəfindən hər hansı formada müdaxilə edildikdə (cihazın açılması, kənar servisdə təmir cəhdi, konstruktiv dəyişiklik, daxili zavod plombunun və qoruyucu elementlərin zədələnməsi) Qızıl Zəmanət üzrə bütün öhdəliklər ləğv edilir və nasazlıqlar yalnız ödənişli əsaslarla aradan qaldırılır.