Ödəniş və Çatdırılma Şərtləri

1. Çatdırılma Bölgələri, Müddəti və Vaxtı

1.1. Minimum Sifariş Limiti: Saytımızda çatdırılma xidməti yalnız ümumi məbləği 100 AZN və üzəri olan sifarişlər üçün həyata keçirilir. Ümumi məbləği 100 AZN-dən az olan məhsulların ünvana çatdırılması icra olunmur.

1.2. Bakı şəhər daxili: Bakı şəhərinin mərkəzi ərazilərinə çatdırılma xidməti tamamilə PULSUZDUR (minimum 100 AZN-lik sifariş şərtilə).

1.3.

1.4. Regionlar (Rayonlar) üzrə çatdırılma: Rayonlara çatdırılma yalnız məhsulun ölçüləri və çəkisi nəzərə alınmaqla (kiçik və orta qabaritli məhsullar) poçt və ya kuryer xidmətləri vasitəsilə həyata keçirilir.

1.5. Çatdırılma Müddəti: Sifariş təsdiqləndiyi andan etibarən çatdırılma 1-3 iş günü ərzində yerinə yetirilir. Fövqəladə hallar, əlverişsiz hava şəraiti və ya nəqliyyat qəzaları və digər fors-major səbəblərdən bu müddətdə gecikmələr yarana bilər. Belə hallarda müştəriyə öncədən məlumat verilir.

1.6. Çatdırılma Vaxtı: Çatdırılma xidməti həftənin hər günü saat 10:00-dan 19:00-dək icra olunur. Kuryer yola düşməzdən 1-2 saat əvvəl ALICI ilə əlaqə saxlayaraq ünvanda olub-olmadığını dəqiqləşdirir.

1.7. Ünvanda ALICI tərəfindən qəbul edilə bilməyən və ödənişi öncədən edilməmiş sifarişlər 3 təqvim günü ərzində anbarda saxlanılır. Bu müddət bitdikdən sonra sifariş avtomatik ləğv edilir.

2. Sifarişin Təhvil Verilməsi Şərtləri

2.1. Məhsulların mənzil və ya ofis daxilinə daşınması yalnız dəhlizlərdə, qapılarda və keçidlərdə maneə olmadığı təqdirdə mümkündür. İri qabaritli məhsulların mərtəbə qaldırılmasında əgər lift yoxdursa və ya məhsul liftə yerləşmirsə, əlavə ödəniş hesablana bilər. Qapı və keçidlərin ölçüləri məhsulun qablaşdırılmış ölçülərindən hər tərəfə ən azı 5 sm böyük olmalıdır. Şərait məhsulun təhlükəsiz daşınmasına imkan vermədikdə, kuryer məhsulu ünvanın girişinə və ya ən yaxın təhlükəsiz nöqtəsinə təhvil verir.

2.2. Kuryerlərin ərazi təmizliyi etmək, evdəki digər əşyaların yerini dəyişmək, həmçinin digər məhsulların quraşdırılması, tənzimlənməsi və istifadə qaydaları barədə texniki məsləhət vermək öhdəliyi yoxdur.

2.3. Məhsulun qəbulu zamanı yoxlanılması: Müştəri məhsulu təhvil alarkən mütləq kuryerin yanında onun xarici görünüşünü, qablaşdırmanın tamlığını, məhsulun sayını və komplektasiyasını (zəmanət talonu, təlimat kitabçası və s.) yoxlamalıdır. Yoxlanış edib, təsdiq edildikdən sonra məhsulun vizual qüsurları və ya say əskikliyi ilə bağlı iddialar qəbul olunmur.

2.4. Eyniləşdirmə: Nağd və ya birdəfəlik onlayn kart ödənişi ilə edilən alışlarda sifariş ALICIya və ya onun təyin etdiyi (əvvəlcədən operatora bildirdiyi) şəxsə təhvil verilə bilər. Hissə-hissə (kredit/taksit) ödənişli sifarişlərdə isə məhsul və müqavilə yalnız şəxsiyyət vəsiqəsinin rəsmi sahibinə, şəxsiyyəti təsdiq edən sənədin əsli təqdim olunmaqla təhvil verilir.

3. Ödəniş Üsulları

Texnohome platformasında alış-verişinizi aşağıdakı üsullarla rahat və təhlükəsiz şəkildə ödəyə bilərsiniz:

3.1. Nağd ödəniş: Sifariş qapıda kuryer tərəfindən təhvil verilərkən nağd şəkildə həyata keçirilir (müvafiq kassa qəbzi təqdim olunmaqla).

3.2. Bank kartı ilə onlayn ödəniş: Sayt üzərindən birbaşa Visa və MasterCard debet/kredit kartları vasitəsilə.

3.3. Qapıda kartla ödəniş: Sifariş kuryer tərəfindən çatdırılan zaman pos-terminal vasitəsilə bank kartınızla ödəniş edə bilərsiniz.

3.4. Taksit kartları ilə hissə-hissə ödəniş: Azərbaycanın aparıcı banklarının taksit kartları ilə (Birbank, Ucard, TamKart, Bolkart, Leocard və s.) tərəfdaşlıq şərtlərinə uyğun olaraq faizsiz hissə-hissə ödəniş imkanı mövcuddur.

3.5. Mobil Ödənişlər: Apple Pay və Google Pay vasitəsilə anlıq onlayn və ya qapıda ödəniş imkanı.